Գործող անձիք
դու
եւ
ես:
Արար
առաջին
Կիսավարտ մթնոլորտում
ծխապատ բեմի վրա
դու-ն խաղում է նախավերջին արարը՝
դիմակազերծ անելով ես-ին,
հետո՝ ինքն
իրեն:
Ես-ը չոքած դու-ի առջև
լուռ լսում է այն շուրթերին,
որ անզուսպ
անիծում են ինչ որ «պոետիկ»
անդարձ մի պահ:
Դու-ն վայր է դնում
կիրքը քարացած
ու թողնում բեմը
անունկնդիր:
Արար երկրորդ և վերջին
Կիսախավար բեմի անկյունում,
ես-ը գիրկն առած իր պարտությունը
փրկված «հպարտությունը»`
կրկին վերցնում է դիմակն ու պիեսը
ու խաղում վերջին
արարը՝
իր ստվերի հետ:
Թեհրան,մարտ 2007
No comments:
Post a Comment