Ծովը գողացվեց
հույսը ճամբորդեց
քամին քաղաքը սրբեց ու տարավ
նվագարանները թոշակի անցան
վերացվեց բարեմաղթանքի թանձր
օրենքը:
Մարդը այլևս չծնվեց
Ադամից
Զևսից
երկիրը խունացավ
մերկացավ
ճմլվեց
ու պարփակվեց ցամաքանման մի հողակերտի վրա
որտեղ իմ աշխարհն էր
և այնտեղ ոչ մի տեղ էր
և այնտեղ ոչմիտեղանոց երկրավորների
գահակալությունն էր
այնտեղ իմ սիրտ կրծող
մենարանն էր: